O sector do márketing sufriu unha gran transformación durante o ano 2020, moitos cambios que esperabamos para dentro duns anos foron anticipados pola chegada da pandemia. Exemplo disto son as vendas on line en España en 2020, que aumentaron un 36 % ata converter a España no terceiro país que maior crecemento viviu no mundo.

Por iso, é moi importante que teñas en conta as expectativas de futuro do márketing para poder anticiparte ao que vai pasar.

Que podemos esperar en márketing dixital para 2021?

Xa levamos uns poucos meses do ano 2021 ás costas e podemos afirmar con maior certeza as liñas que marcarán este ano o márketing dixital.

As plataformas de streaming, os métodos de pago, a seguridade e privacidade ou a nova lei de cookies, son algunhas das cuestións que terán moita presenza durante os seguintes meses e incluso o vindeiro 2022.

Márketing conversacional e chatbots

Durante o período de confinamento, tanto as empresas como os usuarios necesitabamos poder establecer conversacións para o coñecemento de determinado produto, saber os prazos de entrega, as súas características… Isto creou a necesidade de establecer unha nova forma de relacionarnos e fixo que os bots conversacionais tiveran un auxe que segue á alza.

Segundo as previsións da consultora Gartner, no ano 2030 esta intelixencia artificial será capaz de xestionar automaticamente mil millóns de solicitudes.

A capacidade de poder entender os comportamentos de compra dos consumidores, os seus hábitos de consumo, as súas preferencias e o ser capaces de solucionar consultas de forma individualizada, levará a que sexa unha das grandes tendencias deste ano.

Altofalantes intelixentes

Cada vez somos máis os usuarios que dispoñemos destes dispositivos. As grandes empresas comezaron a ter en conta este novo mercado e cada vez son máis as compañías que fan produtos compatibles con Alexa ou Google Home.

Neste ano 2021 esperamos que este mercado atope novos modelos de negocio para explotar. Un exemplo é a alianza que formaron Honda e Amazon, entre outras empresas, para poder realizar compras dende o coche a través da voz.

Seguridade nos pagos on line

Tal e como comentamos ao comezo do post, as vendas on line medraron considerablemente, por iso cada vez é máis importante ofrecer seguridade nos ecommerce.

Aínda que o primeiro paso é o certificado SSL, para así garantir a protección de datos dos teus clientes durante todo o proceso de compra, existe un gran interese polos pagos máis seguros a través de sistemas biométricos.

Visa publicou un estudo segundo o cal o 57 % dos usuarios confiaban nos seus bancos para manter a súa información biométrica. O sistema co que os usuarios afirman estar máis seguros á hora de realizar os pagos é a pegada dactilar.

A maioría dos pagos son realizados a través de bancos, pero hai alternativas que están cobrando gran forza sen necesidade de ter unha entidade bancaria de por medio:

• Paypal
• Facebook Pay
• Google Pay
• Amazon Pay
• Apple Pay

Privacidade dos usuarios

Todos valoramos a nosa privacidade e nos preocupa que fan coa nosa información cada vez que entramos en páxinas web ou deixamos o noso correo para subscribirnos.

Este temor fixo que as grandes compañías deran un paso adiante para ofrecernos máis seguridade para os nosos datos. Mostra disto é que Apple e Android están implantando cambios na privacidade en cada actualización.

Pero a privacidade non é só para os dispositivos móbiles, dende outubro de 2020 Google anunciou que as cookies de terceiros deixarían de ser compatibles en Chrome. Este é un proceso que rematará no ano 2022.

Por todo isto, hai que actualizar constantemente os sistemas que garantan a privacidade das páxinas web e a xestión de datos, xa que as multas por incumprir a lei son elevadas.

Mobile márketing

Moitos de nós vivimos pegados aos nosos teléfonos móbiles, ata o punto no cal pasan a ser totalmente indispensables no noso día a día.

Por iso, hoxe en día é imprescindible adaptar páxinas web, aplicacións, formas de pago… a dispositivos móbiles. De feito, Google valora moi positivamente que as páxinas estean optimizadas para móbil.

Segundo o informe de Ditrendia, os smartphones foron a opción máis empregada durante o 2020 para acceder a Internet. E 10,7 millóns de españois usamos estes aparellos para realizar compras.

Hai que destacar tamén que os móbiles teñen a maior taxa de abandono durante as compras, isto é principalmente por culpa da velocidade de carga das webs nos dispositivos.

Publicidade programática

Este formato é moi similar a unha poxa, funciona a través de algoritmos nun tempo moi reducido.

Aínda que este tipo de anuncios xa levan connosco bastantes anos, co paso do tempo foron innovando e aparecendo en distintas plataformas. Estas son algunhas das últimas alternativas.

• Videoxogos: no ano 2020 Samsung e Starcom puxeron en marcha a primeira campaña de publicidade programática en videoxogos. O funcionamento segue sendo o mesmo, hai poxas por espazos dedicados á publicidade dentro dos videoxogos.

Samsung lanza una campaña de publicidad programática en tiempo real dentro de videojuegos. @SamsungEspana @StarcomSpain @adgage_es || Más info aquí 👉🏽 https://t.co/KpALD58tlg pic.twitter.com/0gEGf3ATuM

— Reason Why (@ReasonWhy) June 18, 2020

• Televisión: a televisión analóxica non dispón de opcións para segmentar a súa publicidade, pero coa chegada das smart tv e a televisión en diferido, existe a opción de dirixirse a eses perfís que teñen o seu televisor conectado á rede.
• Mupis ou publicidades exteriores: algúns destes elementos dispoñen de conexión a Internet e hai poxas para aparecer nesa valla en momentos concretos.

Using the best of #OOH @ITV new crime drama #Viewpoint launched this week with a spectacular domination of Manchester – featuring a giant projection on the 30-storey City Tower, a special build banner with 3d mechanical functioning blinds alongside dynamic DOOH.

Are you 👀? pic.twitter.com/07BT974xYQ

— Sam O'Connell (@sammyoc1) April 27, 2021

Publicidade en plataformas de streaming

Marcas como Netflix levan anos rexeitando incluír publicidade nos seus servizos de vídeo. Pero cada vez son máis os rumores de que haberá unha versión premium, igual que en Spotify.

Outra plataforma que medrou de forma exponencial no ano 2020 foi Twitch, enfocada orixinalmente ao gaming e na que hai todo tipo de contido.

O seu público é principalmente novo, así que se quixéramos facer unha campaña dirixida a persoas entre 16 e 26 anos, este sería un medio moi adecuado.

Publicidade en TikTok

Esta rede social foi a revolución durante todo o ano 2020, os seus bailes, vídeos de cociña, de humor… fixeron que millóns de usuarios non engancharamos a esta app. Dende o último trimestre do ano 2019 ata o segundo do 2020 a rede aumentou as súas visualizacións en todo o mundo un 72 %.

A opción de facer publicidade en TikTok levaba xa dende 2019, pero só podían apostar por ela grandes marcas. A finais de 2020 abriron a súa páxina para anunciantes TikTok Ads, que aínda está algo verde, pero se queres chegar a un público moi masivo esta é unha boa oportunidade.

Estas son algunhas das tendencias que estamos vendo durante este primeiro trimestre do ano, pero en márketing cada día xorden cousas novas. Iremos informando a través do noso blog 🙂.