A publicidade é unha parte fundamental do márketing de hox ene día. A través dela, podes chegar a túa audiencia de maneira efectiva. Porén, existe un límite ético que non debe cruzarse: o de enganar ao consumidor. Por iso, neste post imos explicar que é a publicidade enganosa e por que é perigosa.
Comecemos polo principio. A publicidade enganosa defínese como a práctica que implica a promoción de produtos ou servizos a través de información falsa, enganosa, ambigua ou imprecisa, coa intención de que as persoas tomen unha decisión baseándose en datos incorrectos.
A orixe do termo remóntase ao século XX, nun momento de grande competencia que obrigaba aos negocios a buscar calquera forma de diferenciarse do resto. Actualmente, está regulada segundo a lexislación vixente de cada país.
En España, existen dúas normas principais, a Ley Xeral de Publicidade e a de Competencia Desleal, para controlar esta práctica e contemplan a calquera mensaxe de índole promocional ou publicitario que poda dar lugar a erro en canto a súa interpretación, inclúa información non veraz ou omita datos necesarios.
O delito por este tipo de promocións está castigado cunha multa ou, incluso, coa pena de prisión que varía de seis meses a un ano.
Os perigos da publicidade enganosa
A publicidade enganosa é moi perigosa e pode ter efectos prexudiciais, non só para os consumidores, senón tamén para as empresas. Entre as razóns polas que é daniña, tes as seguintes:
- Engana ao consumidor: con este tipo de mensaxes publicitarias míntese aos clientes, levándoos a tomar decisións de compra baseadas en datos que non son certos. Isto resultará nunha experiencia insatisfactoria para eles, algo que lles fará sentir estafados e decepcionados.
- Crea competencia desleal: a publicidade enganosa crea unha desigualdade de oportunidades no mercado, xa que os negocios que utilizan este tipo de prácticas xogan cunha vantaxe inxusta.
- Dana a reputación: esta praxis prexudica a reputación dunha empresa a longo prazo. Os consumidores recordan as súas malas experiencias e, nunha sociedade dixital como esta, soen compartir as súas opinións e recensións, o que impactará negativamente na imaxe dese negocio.
Tipos de publicidade enganosa
A publicidade enganosa non é homoxénea e existen diferentes tipos. A continuación, imos explicar cales son os principais para que os podas evitar.
Publicidade ilícita
Este tipo é o que atenta directamente contra a dignidade das persoas, os seus valores e os seus dereitos recoñecidos por lei, especialmente aqueles que teñen que ver coa infancia ou a xuventude. Un exemplo é incitar a un menor de idade a comprar un produto ou a realizar un comportamento prexudicial.
Publicidade encuberta
Nesta modalidade, a mensaxe disfrázase para que non se saiba que é publicidade, o que dificulta que os consumidores recoñezan que están a ser expostos a unha estratexia. Isto empeza a ser moi preocupante en redes sociais, onde moitos influencers están promocionando produtos ou servizos sen indicar que se tratan de anuncios pagados, facendo parecer que están a expresar a súa opinión sincera.
Publicidade desleal
É aquela que atenta contra a competencia mediante a difamación ou o menosprezo a súa actividade. Tamén entra dentro desta categoría a publicidade que compara as características dos seus produtos utilizando información non obxectiva.
Publicidade do cebo e cambio
Este tipo atrae ás persoas cunha oferta inicial atractiva, para logo cambiar as condicións unha vez que se comprometeron. Un exemplo sería anunciar un produto a un prezo moi baixo e dicir máis tarde que xa non está dispoñible, ofrecendo un máis caro no seu lugar.
Avalancha de opinións falsas
As recensións dun negocio poden ser cruciais á hora de tomar unha decisión de compra. Por iso, moitas empresas deciden empregar testemuños falsos para apoiar os seus servizos, sexa comprando opinións ou usando perfís falsos.
Publicidade por omisión
Omitir información tamén considérase un tipo de publicidade enganosa. Se un anuncio non transmite todos os datos esenciais, estará enganando ao público. Por exemplo, non mencionar os efectos secundarios dun medicamento.
Como evitar malas prácticas
Para non caer neste tipo de publicidade, podes seguir unha serie de principios fundamentais:
- Veracidade: toda a información proporcionada ten que ser precisa e verdadeira. Non debes facer afirmacións falsas sobre as características, o prezo ou os beneficios dun ben ou servizo.
- Transparencia: a publicidade ten que ser clara e transparente. É importante proporcionar detalles suficientes para que os consumidores podan tomar decisións de compra informadas.
- Non inducir a erro: os anuncios non deben confundir aos consumidores. Calquera mensaxe ten que ser comprensible e non dar lugar a interpretacións incorrectas.
- Respecto á lexislación vixente: asegúrate de que cumpres con todas as leis e normativas aplicables no sector. Isto inclúe regulacións específicas para certas industrias, como a alimentación ou a saúde.
Xa viches que a publicidade enganosa é un exercicio moi prexudicial que fractura a confianza entre negocios e clientes, destorce o mercado e atenta contra a lei. Por iso, debes cumprir coas normativas e os estándares éticos á hora de deseñar as túas campañas.
En VINCUSYS, podemos axudarte a crear anuncios e mensaxes publicitarios que se adecúen á lexislación e non caian neste tipo de prácticas. Así que, se che interesan os nosos servizos como axencia de publicidade, non dubides en contactar connosco.