O contido audiovisual está moi presente na nosa sociedade actual. Grazas a redes sociais como YouTube ou TikTok, os vídeos popularizáronse en gran medida e, se tes un negocio, debes aproveitalo. Por iso, imos falar sobre que é o vídeo márketing e dos beneficios que pode achegar.
O vídeo márketing consiste na utilización de vídeos para promocionar produtos ou servizos. É unha estratexia que se fixo máis popular, xa que estes formatos captan a atención das persoas e transmiten mensaxes de forma clara e memorable.
Segundo o informe Digital 2023 de We are Social, un 85,6 % dos españois están activos en redes sociais e, entre as súas favoritas, están Instagram, Facebook e TikTok, plataformas moi ligadas aos contidos audiovisuais. Por non falar de que este mesmo estudo sitúa a YouTube, páxina por excelencia para visualizar vídeos en Internet, como a segunda máis buscada, con 1,71 billóns de visitas.
Por este motivo, o vídeo márketing é cada vez máis útil e necesario para as marcas, sobre todo se queres conectar cun público máis novo. Ademais, axuda a aumentar o teu engagement e a acadar maiores audiencias.
Beneficios do vídeo márketing
O vídeo márketing pode achegar varias vantaxes ao teu negocio. Agora contámosche algunhas delas.
Aumenta a túa visibilidade
Os vídeos son unha maneira excelente de aumentar a visibilidade da túa empresa. Con eles, poderás chegar a un público máis amplo que con outros formatos. Ademais, ten a capacidade de atraer a atención de xeito máis efectivo que, por exemplo, un texto.
Unha mensaxe visualmente atractiva pode reter o interese do espectador por máis tempo, dándoche a oportunidade de dalo a coñecer.
Da un impulso ás conversións
A conexión emocional que poden establecer este tipo de formatos ten un impacto directo nas conversións de cliente potencial a fidelizado. Os vídeos de produtos que informan sobre eles e explican como se utilizan, poden influír nas decisións de compra ao axudar a comprender de forma máis profunda e persoal o que ofrece o teu negocio.
Mellora a túa credibilidade
O contido audiovisual é unha fiestra á personalidade da túa marca. Amosa o lado humano da túa empresa, o teu equipo e os teus valores e contribúen a construír unha conexión emocional cos usuarios, fortalecendo a súa confianza en ti.
No só iso, xa que os vídeos tamén colaboran á hora de darche a credibilidade. Co uso de, por exemplo, titoriais, transmisións en vivo ou publicacións en redes, podes achegarte ao consumidor.
Pódese volver viral
Este medio ten máis posibilidades de viralizarse que outros. Isto débese a súa gran capacidade para emocionar ao espectador e a facilidade coa que se comparte a través de aplicacións como TikTok ou WhatsApp.
Para as marcas, conseguir que un dos seus contidos sexa viral é como unha bendición, xa que conseguirá captar a atención de moita xente en pouco tempo.
Premio en redes
As redes sociais priorizan o contido visual. Compartir vídeos interesantes e relevantes en lugares como Instagram, YouTube ou TikTok pode darche máis visitas e, polo tanto, atraer clientes ao teu negocio. Por non falar de que xeran máis interacción e participación por parte dos usuarios.
Conta historias
Unha das vantaxes deste formato é a forza que ten para contar historias a través do storytelling. Os vídeos cunha narrativa seducen máis facilmente aos usuarios polo seu interese engadido máis aló de promover un produto ou servizo, perdurando na memoria.
Accesibilidade global
O contido en vídeo pode chegar a audiencias globais grazas a súa facilidade de acceso a través de dispositivos móbiles ou pola súa presenza en plataformas de alcance mundial. Así conectarás con clientes potenciais de todo o mundo e expandirás o teu alcance de xeito significativo.
Tipos de vídeo márketing
Hai diferentes formas de crear vídeos para a túa empresa. Algúns exemplos son:
- Vídeos de produto: ensinan en acción aquelo que ofreces. Poden ser unha forma eficaz de ensinar aos teus clientes como funcionan e que beneficios lles aportan.
- Entrevistas con expertos: gravar conversacións con profesionais ou líderes da industria na que traballas é unha gran forma de construír confianza e gañar autoridade.
- Vídeos promocionais: están deseñados para destacar os teus produtos ou servizos dunha maneira atractiva.
- Testemuñas de clientes: recensións en vídeo de consumidores satisfeitos que brindan autenticidade e constrúen confianza.
- Transmisións en vivo: a través de directos en sitios como Twitch ou YouTube, podes interaccionar en tempo real con túa audiencia e xeran un maior engagement.
Como puideches comprobar, o vídeo márketing é unha estratexia eficaz á hora de dar a coñecer a túa marca. Iso si, o contido ten que ser de calidade, xa que se carece dela causará o efecto contrario.
Por iso, se estás preparado para saltar á piscina e empezar a implementalo nas túas campañas, non dubides en contactar coa nosa axencia de márketing. O noso equipo axudarache a producir os vídeos adecuados para o teu negocio.