Na nosa axencia temos un firme compromiso coa cultura e o ocio da nosa localidade. Por iso, este ano colaboramos de novo co festival de música Feito a Man, que se celebra en Santiago de Compostela.

Feito a Man é un evento organizado pola Asociación Cultural Cidade Vella que animou as rúas da cidade dende 2003. Un dos seus obxectivos principais é ofrecer un espazo a artistas e creadores locais para que poidan darse a coñecer e difundir o potencial da zona.

O festival celébrase do 5 ao 24 de agosto en distintos lugares de Santiago, como a praza da Quintana, a praza dos Gatos ou a praza de San Martiño Pinario. Acolle actividades artísticas de diferentes xéneros, dende concertos e actuacións de cabaré ata performances ou obras de teatro.

Dende VINCUSYS apoiamos de noivo ao Feito a Man. Nesta ocasión, renovando a súa páxina web, cuxo deseño aposta este 2024 por un degradado de azuis acorde co cartel desta edición.

Estamos moi contentos por colaborar novamente con este festival tan rico en propostas culturais e que reivindica o talento dos artistas de Santiago de Compostela. Podes consultar a súa programación na seguinte ligazón.