Blog

¡Acomódate!, es tiempo de lectura.

A importancia do dominio

by | Nov 25, 2014 | Blog deseño web, Deseño web, Web | 0 comments

Revisado o 1/02/23 – A importancia do dominio marca o éxito dunha páxina web. Se alguén di o contrario está mentindo ou non sabe do que está falando. Un dominio é o nome que se emprega para dirixir aos usuarios de Internet a unha páxina web, por exemplo: www.vincusys.com.

Os beneficios dos dominios son numerosos:

  • O nome dun dominio é unha identidade propia e única na World Wide Web ou Rede informática Mundial.
  • Pódese promover o seu sitio web cando se están enviando mensaxes de correo electrónico co dominio propio na dirección de correo electrónico, por exemplo: info@vincusys.com.
  • Outra das vantaxes de ter un dominio propio é que se pode empregar nas páxinas de erro personalizadas, así evítase que a xente saia do sitio en vínculos rotos e outros erros.

Co tempo, os nomes dos dominios foron tomando importancia e hai empresas que chegaron a pagar moitos millóns por adquirir un nome concreto. Para facerse unha idea, o dominio máis caro da historia é o dominio “sex.com”, que se vendeu no ano 2010 por máis de 13 millóns de dólares.

Por iso, é interesante estudar ben o nome do dominio que se vai rexistrar e para isto hai que ter en conta as seguintes recomendacións.

Debe ser breve e sinxelo de lembrar

Canto máis pequeno sexa o nome do dominio, mellor. Por suposto, os dominios curtos son máis difíciles de atopar, pero teñen unha serie de vantaxes: son máis sinxelos de lembrar e máis difícil que se escriban mal.

Uso de palabras clave no dominio

Se se empregan palabras clave que están relacionadas co seu sector, axudará ao posicionamento nos buscadores. A mellor opción é poñer o nome da empresa ou un similar como nome do dominio, deste xeito estarase potenciando a marca da empresa en Internet.

Evitar similitudes

Isto significa que se debe evitar a elección de nomes que poden confundir aos usuarios pola súa similitude, xa que o visitante podería rematar na páxina web doutra empresa, ou peor, na da competencia.

Empregar a imaxinación e a creatividade

Algúns nomes de dominio son lembrados por ser diferentes ao que esperaba atopar o usuario.

Escoller o dominio adecuado para o noso proxecto

Cada vez máis, os buscadores dan máis importancia á xeolocalización dos dominios. Se a información dun dominio está enfocada a un país concreto, aparecerá mellor posicionado nos resultados do país en cuestión. Actualmente, existen dous grandes grupos de dominios: xenéricos e territoriais.

Xenéricos

Os dominios xenéricos son aqueles que non se axustan a un país determinado, como por exemplo: “.com”, “.net”, “.org” ou “.info”. “.com” é a extensión máis popular, por iso tende a ser o máis complexo á hora de atopar dispoñibilidade para o nome que se desexa.

Territoriais

Están asociados a un país concreto, como son o “.es” de España ou o “.uk” do Reino Unido.

Se a empresa está localizada nun país concreto, como pode ser España, pódese rexistrar o nome do dominio coa extensión “.es”, xa que así se facilita aos buscadores máis información sobre a súa localización. Os buscadores identificarán un dominio “.es” como máis relevante en buscas efectuadas en España. Se o dominio ten extensión “.uk”,será máis relevante para buscas efectuadas dende o Reino Unido. A isto chámaselle xeolocalización do dominio.

0 Comments

Submit a Comment

O teu enderezo electrónico non se publicará Os campos obrigatorios están marcados con *

Consulta las ayudas y subvenciones disponibles