Absolutamente. Coidar o packaging é mimar a primeira impresión que o teu produto causará no teu cliente, e ninguén dubida do dito que reza que todo entra polos ollos. O packaging é un vendedor silencioso que pode darche o empurrón que precisas ou truncar os resultados dun bo produto.

Aínda que o márketing sensorial cada vez está gañando máis terreo —o cheiro a pan acabado de facer dunha panadería, a música relaxada ou de ritmo rápido segundo a hora á que vaias á compra para acelerar as túas decisións, a suavidade dunha manta que será a túa mellor amiga no sofá…—, o envoltorio é a primeira impresión que ten o consumidor cando adquire un produto. E xa sabes que só hai unha oportunidade de causar unha boa primeira impresión.

Por que coidar o packaging?

1. Porque a imaxe da túa marca importa.

2. Porque os estudos demostran que a primeira sensación cando un novo cliente entra en contacto co teu produto é un factor crucial na decisión de compra.

3. Porque a calidade é unha calidade obxectiva e subxectiva ao mesmo tempo. No consumo, especialmente de produtos dun custo inferior a 30 euros, moitas veces non priman tanto motivos racionais como emocionais.

4. Porque un bo envoltorio pode converter un chocolate máis nun obxecto de agasallo.

5. Porque adecualo ás tendencias de moda e mercado pode ser un plus que aumente as túas vendas.

6. Porque a personalización —especialmente en produtos a medida ou con opcións de acabado— poden derivar nun incremento no prezo e aumentar os teus beneficios.

Chegados a este punto, seguro que che interesa este artigo que escribimos sobre a importancia do deseño gráfico para o teu negocio:

https://www.vincusys.gal/blog/a-importancia-do-deseno-grafico-nas-empresas/