O debate sobre a nova canción de Shakira, a chamada BZRP Music Sessions #53, e as alusións á súa exparella, Gerard Piqué, representa todo un caso de estudo para o márketing e a publicidade. A polémica foi trending topic e derivou nunha onda de mensaxes, memes e imaxes utilizadas por todo tipo de empresas como estratexia de marca para canalizar o tráfico en redes sociais ao seu favor.
Por unha banda, os pasos dados pola cantante e o deportista son un claro exemplo de márketing emocional, unha serie de técnicas que forman parte dunha estratexia encamiñada a espertar emocións entre o público e a construír un vínculo entre o destinatario e a marca.
Tanto a artista como o deportista aproveitaron o rebumbio da súa ruptura para canalizar tráfico en liña no seu beneficio, unha política que se traduciu en resultados en moi pouco tempo.
De feito, a canción rexistrou millóns de reproducións e impactos ás poucas horas da súa publicación, e a última emisión en Twitch de Piqué bateu marcas dos seus anteriores picos de audiencia.
Estratexia de marca
Con todo, os movementos máis interesantes producíronse en paralelo. As empresas mencionadas por Shakira na letra do single despregaron unha intensa estratexia de marca nun inmenso tráfico de interaccións en redes sociais.
A pesar de que se difundiron mensaxes desde contas ‘fake’ facéndose pasar por Casio, a empresa aproveitou a oportunidade e tomou parte desde unha posición neutral, evitando a agresividade e a polémica.
Ver esta publicación en Instagram
A División Educativa da marca de reloxos tamén optou polo humor para canalizar a onda de tráfico.
Hoy tenemos bastantes notificaciones por una mención a CASIO en una canción 😜
Los (relojes y teclados) y las (calculadoras) CASIO son de y para toda la vida 😉#Harder, #Better, #Faster, #Stronger pic.twitter.com/Si8CZfKEe1— División Educativa (@CASIOedu) January 12, 2023
Ademais, a conta de Instagram de Casio impulsou esta campaña facendo alusións veladas a tanto á propia letra da canción que iniciou o debate (loba), á resposta da outra parte da discusión (king) e a iconas da cultura popular (Pikachu).
Ver esta publicación en Instagram
Dunha forma elegante, a marca canalizou o tráfico por mor das súas mencións no debate para facer visible a variedade da súa oferta de reloxos e facer calar a mensaxe de que existe un Casio e un estilo para todo o mundo.
Renault España optou polo ton humorístico, utilizando moi ben os hashtags para atraer aos usuarios de Twitter e, ao mesmo tempo, facer promoción dos seus vehículos Twingo.
Pa tipos y tipas como tú. ¡Sube el volumen! #Renault #Twingo #claramente #joven #urbano #eléctrico #ágil #Icónico #compacto #travieso pic.twitter.com/eND207qM3H
— Renault España (@renault_esp) January 12, 2023
A propia compañía cedeu a Piqué modelo de Twingo que utilizou para presentarse recentemente á Kings League, un vídeo que se volveu viral.
Todos na tendencia
Ademais de Casio e Renault, todo tipo de empresas e mesmo plataformas de streaming quixeron aproveitar o tema de tendencia para favorecer a súa propia estratexia de marca.
AliExpress ou Worten España entraron no debate con post ou mensaxes para atraer ao público cara a súa tenda en liña.
¿Team Rolex o Team Casio? Clara-Mente me quedo con el Casio.
🔁 Rolex
❤️ Casio pic.twitter.com/2gSzNJ3zTS— Worten España (@WortenES) January 12, 2023
Burger King, unha empresa famosa polas súas estratexias de ‘márketing de guerrilla’ e o seu enfrontamento publicitario con McDonalds, tirou de enxeño e sarcasmo para promover os seus propios produtos.
Buen timing @burgerking_es pic.twitter.com/uyxRx18lrR
— aejndro 🤡 (@Soy_Frodo) January 12, 2023
Este sinxelo post de Disney + recibiu máis de 80.000 likes e de 10.000 retweets.
Perdón que te salpique 💧🫣 pic.twitter.com/Cyei7DjaTU
— Disney+ España (@DisneyPlusES) January 12, 2023
Interaccións e impactos das marcas
Amazon Prime, 100 Montaditos ou Estrella Galicia son outros exemplos desta avalancha de memes para alimentar o debate, cuxos efectos xeraron importantes réditos e impactos publicitarios.
Epsilon Technologies monitorizou as interaccións destas empresas en redes o pasado 12 de xaneiro, data na que se difundiu a canción.
En suma, producíronse case 120.000 mencións ás marcas en TikTok, un 270 % superior ás producidas na Final do Mundial de Fútbol 2022 de Qatar.
Instagram e Twitter rexistraron 626.946 interaccións totais entre likes, comentarios e retweets.
A continuación, achegamos o post de máis éxito en Instagram, compartido por Netflix e que xerou 192.055 interaccións
Ver esta publicación en Instagram
Toda esta experiencia demostra que a estratexia de márketing e a estratexia de marca son esenciais para aproveitar as tendencias, os momentos de crises ou as polémicas que poidan salpicar á túa empresa ou marca.
Unha boa resposta pode axudarche a obter beneficios publicitarios moi importantes cun investimento mínimo e escaso.
0 Comments