Internet é unha ferramenta indispensable para darlle visibilidade aos nosos negocios. Por iso, debemos ter clara a importancia do deseño gráfico en redes sociais e saber como crear as mellores publicacións. Hoxe en día todo o mundo está presente na rede, tanto usuarios como marcas. O que causa que xerar estratexias de márketing en páxinas como Instagram ou Facebook sexa practicamente algo obrigatorio. Non só pola xigantesca competencia que hai presente, tamén porque o nivel de atención da xente é cada vez menor. Debemos chamar o seu interese da mellor forma posible para que nos faga caso fronte ao resto de empresas. Por iso, hai que aplicar un bo deseño gráfico ás nosas publicacións para asegurar que destacamos por enriba do resto. Pero é máis sinxelo dicilo que facelo. Á hora de realizar creatividades para redes sociais, convén que sigamos unha serie de regras e consellos para garantir que o noso traballo será efectivo e non causará o impacto contrario ao que buscamos.
Composición equilibrada
Un dos primeiros retos aos que nos imos enfrontar é o de como organizar os elementos da publicación ao longo do deseño. É preciso que sigamos unha serie de normas de composición e que non nolas saltemos. Por exemplo, non hai que sobrecargar a creatividade con moitos elementos, debemos mantela limpa e coa información pertinente.
Ver esta publicación en Instagram
O peso de cada obxecto e o equilibrio que haxa entre cada un deles é importante para non dar unha sensación visualmente desagradable. Tamén hai que ter en conta os espazados entre os compoñentes e respectar as distancias, non ter separacións máis grandes por unha marxe que por outra e que semelle todo un caos. Ademais, a fotografía ou fotografías que empreguemos deben seguir un mínimo estándar de calidade. Por iso, debemos saber como sacar boas imaxes e asegurarnos de que teñan un nivel de luz correcto, que estean enfocadas e o encadre sexa bo. E cabe destacar que resulta imprescindible saber como utilizar programas de edición, como Adobe Photoshop ou InDesign, para crear deseños profesionais.
Tipografías
Non podemos volvernos loucos coas tipografías. Hai que recordar sempre que, como moito, debemos manexar un par de tipos de letra diferentes que manteñan certa harmonía entre si. Así mesmo, temos que asegurar que sempre usemos as mesmas fontes nas publicacións para que haxa cohesión entre os deseños, que, a súa vez, deberán ser as do manual de marca. acordes coa imaxe corporativa da empresa.
Bo uso da cor
A psicoloxía da cor é clave. Cada un deles xera emocións diferentes nas persoas. Por exemplo, o vermello reflicte paixón e forza, mentres que o amarelo está relacionado con sentimentos como a felicidade e a alegría. Elixir as cores que mellor se adecúan a nosa mensaxe é unha tarefa importante que non debemos descoidar. https://www.vincusys.gal/blog/como-empregar-a-psicoloxia-da-cor-en-marketing/ https://www.vincusys.gal/blog/como-empregar-a-psicoloxia-da-cor-en-marketing/
Respectando a identidade
Cada marca ten unha identidade visual propia, dende un logotipo ata cores propias que debemos respectar cando fagamos os nosos deseños. Se a cor principal da empresa é, por exemplo, o laranxa, precisamos utilizalo sempre que poidamos. En aqueles casos nos que sexa imposible aplicar as tonalidades da nosa imaxe corporativa, teremos que empregar cores que teñan coherencia coa imaxe que poremos nas redes.
Ver esta publicación en Instagram
Un bo copy vale máis que mil palabras
Os textos que acompañan aos nosos deseños tamén son relevantes. Estes deben ser claros e directos, gardar relación co que transmitimos na fotografía e, sobre todo, captar o interese dos usuarios. Iso si, non poden ser moi longos ou perderemos a atención da xente, pero tampouco excesivamente curtos e que non digan nada. E evidentemente, deben estar ben escritos e non conter faltas de ortografía.
As datas sempre á vista
É fundamental que anotemos nun calendario todos os eventos e festividades que haxa, porque no mundo das redes sociais hai que estar pendentes de todas as oportunidades que teñamos para publicar contido. Datas como San Valentín, Samaín ou Nadal son bastante obvias, pero tamén debemos saber outras máis concretas que teñan que ver co noso ámbito. Para este tipo de cousas, podemos utilizar programas de xestión de redes, como Hootsuite ou POSTOPLAN.
Ver esta publicación en Instagram
Adaptarse ás circunstancias
Non é o mesmo deseñar para unha rede que para outra. Sitios como Instagram, Facebook ou LinkedIn teñen cada un as súas propias proporcións para imaxes, algo que resulta imprescindible coñecer. Incluso dentro delas podemos encontrar diferentes formatos, como en Instagram, onde temos un tamaño para as historias e outro para as publicacións normais. Polo tanto, necesitamos adaptar os deseños a medidas distintas, de xeito que as nosas creatividades se axusten correctamente e non queden coartadas.
Acude a profesionais
O deseño gráfico en redes sociais non é tarefa fácil. Hai moitos factores en xogo e diversos conceptos que debemos ter en conta constantemente. Incluso coñecendo estes consellos, podemos non ter nin idea de por onde empezar. Por iso, se necesitas axuda no deseño e xestión das túas redes sociais, contacta con VINCUSYS e o noso grande equipo de profesionais encargarse de prestarte o mellor servizo e darlle vida aos teus perfís on line.
0 Comments