Blog

¡Acomódate!, es tiempo de lectura.

Cinco recomendacións para aprender deseño gráfico este verán

by | Xul 21, 2022 | Blog deseño gráfico, Deseño gráfico | 0 comments

Un dos principais retos e responsabilidades dun deseñador gráfico é a capacidade de adaptación ás tendencias de estilo e as posibilidades tecnolóxicas.

A filosofía que xira ao redor desta profesión permanece en constante evolución e o saber non ocupa lugar á hora de potenciar as ferramentas, coñecementos e opcións á túa disposición para lograr o mellor resultado nos teus traballos.

https://www.vincusys.gal/blog/que-e-o-rebranding-e-cando-debo-empregalo/

A continuación, ofrecemos unha serie de obras e lecturas seleccionadas que abordan diferentes aspectos en materia de deseño gráfico, tanto desde o punto de vista práctico e teórico como conceptual. Todas elas pódense consultar e adquirir no catálogo en liña de Follas Novas.

Fundamentos del diseño gráfico (Promopress, 2018)

O best-seller de Richard Poulin, publicado na editorial Promopress, trátase dun manual ilustrado que aborda os elementos básicos do deseño ao longo dos seus vinte e seis capítulos, tanto desde unha perspectiva histórica como actual. Fundamentos del diseño gráfico é un medio de consulta indispensable na busca de información esencial, inspiración ou guía.

Diseño gráfico (Marcombo, 2019)

A obra de Fernando Cavassa repasa os procedementos, técnicas e ferramentas necesarias para unha aprendizaxe paso a paso, desde o nivel básico ata o avanzado, de cada unha das funcións dos principais programas de deseño, como Corel DRAW, InDesign, Photoshop e Illustrator. Debuxo vectorial, tratamento de imaxes, diagramación e edición de texto ou edición e retoque fotográfico son algunhas das competencias que aprenderás grazas a este completo manual, que inclúe actividades prácticas e avaliacións para reforzar a aprendizaxe.

Diseño gráfico y pensamiento visual. Cuaderno de actividades (Gustavo Gili, 2019)

Este manual eminentemente práctico, asinado por Aurélien Farina e Sophie Cure, ofrece desafíos visuais, crebacabezas e ata 32 xogos e actividades para comezar de forma lúdica e interactiva no mundo do deseño gráfico. A través deste caderno, poderase descubrir de forma amena o funcionamento da tipografía, os carteis, e a identidade visual, con varias decenas de exercicios, resumos, glosarios e ilustracións de recoñecidos deseñadores como Otl Aicher, Pierre Di Sciullo e Otto Neurath.

https://www.vincusys.gal/blog/a-importancia-do-deseno-grafico-nas-empresas/

Pioneros del diseño gráfico en España (Experimenta, 2019)

Esta nova entrega da obra do deseñador, artista plástico e fundador de Tau Diseño, Emilio Gil, corrixe e aumenta a publicación orixinal. A publicación percorre a iconografía española do período comprendido entre 1939-1975 a través de máis de 1.000 imaxes para descubrir a historia do talento dos deseñadores gráficos españois.

Cara a cara con el diseño (Experimenta, 2021)

Joan Costa Solà-Segalés é un comunicólogo, deseñador, investigador e metodólogo que profundizou na reflexión sobre a utilidade pública do deseño e desenvolveu diversas áreas de estudo, como a señalética, a esquemática ou a cientigrafía. En Cara a cara con el diseño, Costa reflexiona sobre a natureza mesma e o presente do deseño, co obxectivo de aventurarse no posible papel desta disciplina para construír o futuro dunha sociedade que debe aspirar ao coñecemento.

En VINCUSYS tomámonos moi en serio esta disciplina e ofrecemos aos nosos clientes todo o apoio dispoñible nas nosas mans para apoiar e potenciar a súa imaxe visual.

0 Comments

Submit a Comment

O teu enderezo electrónico non se publicará