Vivimos nun mundo cada vez máis dixitalizado, onde o uso das redes sociais e o márketing on line están cada vez máis estendidos. Porén, non debes esquecer as estratexias tradicionais en favor das novas tecnoloxías. Unha delas é o buzoneo, unha táctica publicitaria probada efectiva que segue sendo relevante no panorama actual. Neste artigo, imos explicarche que é e que pode achegarlle a túa empresa.
O buzoneo é unha técnica de publicidade e márketing directo que implica a distribución de materiais promocionais directamente nas caixas de correo dos fogares ou negocios dunha determinada área xeográfica. Estes poden variar, dende folletos e catálogos, ata mostras, cupóns, cartas ou outras formas de comunicación impresa. Os formatos máis empregados son as revistas, os folletos, dípticos e trípticos, tarxetas e flyers.
As vantaxes do buzoneo
A primeira vista, pode semellar que está obsoleto e anticuado en comparación con outras estratexias dixitais máis modernas. Moitos están en contra do seu uso, alegando que o buzoneo é invasivo e pouco efectivo. Pero nada máis lonxe da realidade, xa que segue sendo unha ferramenta publicitaria valiosa se sabes usala correctamente e pode achegar moitos beneficios.
Alcanza a un público próximo
Unha das súas maiores vantaxes é a súa capacidade para chegar a audiencias locais ou segmentadas e é ideal para atraer clientes próximos a túa empresa. Ao dirixir materiais promocionais a caixas do correo específicas nunha área concreta, podes maximizar a exposición da túa marca.
O cliente está máis atento e receptivo
A diferencia da publicidade dixital, o buzoneo emprega obxectos físicos que son máis difíciles de pasar por alto e, polo tanto, chaman máis a atención. Ademais, ao chegar directamente á caixa do correo do cliente, estes materiais mantéñense na súa posesión e aumentan as posibilidades de que os examinen con detemento. Por non falar de que, ao estar no ambiente relaxado da súa casa, o consumidor está máis receptivo a ler o teu anuncio.
Podes ser creativo
Nesta técnica, non tes límites en canto ao formato ou contido. Podes darlle renda solta a túa imaxinación e crear o deseño que mellor se adapte ao teu negocio. Así, podes diferenciarte mellor da túa competencia.
Segmenta o teu público
A través do buzoneo, contas coa capacidade de personalizar e segmentar as túas campañas de maneira efectiva. Ao analizar datos demográficos e patróns de consumo, é posible adaptar os materiais para que sexan relevantes e atractivos para un público específico. Podes facelo utilizando diferentes criterios, como, por exemplo, a renda, o tipo de vivenda, o núcleo familiar ou a situación sentimental.
Permite estratexias complementarias
O buzoneo é unha técnica tradicional, pero iso non significa que sexan incompatibles coas novas tecnoloxías. De feito, pode ser un complemento perfecto para campañas en redes sociais ou a través do enderezo electrónico, combinándoas para lograr unha maior sinerxía e aumentar a túa exposición. Pode axudarche a reforzar a mensaxe das túas accións en liña e lembrar aos teus clientes que seguen activas.
Comeza a difundir a túa mensaxe
Como podes ver, o buzoneo continúa sendo unha estratexia de publicidade poderosa e efectiva na era dixital. Pode axudarche a alcanzar ao teu público obxectivo, segmentar a túa audiencia e fortalecer o resto das túas campañas dixitais para que perduren na memoria. Aínda que o mundo evolucione, esta táctica vai cobrando novas funcións que serán moi útiles.
Por iso, se estás interesado nela e queres comezar a enviar este tipo de materiais publicitarios, non dubides en poñerte en contacto connosco en VINCUSYS. A nosa axencia de márketing e publicidade levará a cabo unha estratexia adaptada aos teus obxectivos e necesidades para diferenciarte do resto e situarte no mapa.
0 Comments