A rivalidade entre compañías do mesmo sector é un concepto que pode resultar familiar. Nas últimas décadas, puideches ver como moitas se encerellaron en auténticas batallas para destacar por enriba do resto, usando todos os medios a súa disposición. Neste artigo, imos contar que son as guerras publicitarias e cales son os seus maiores exemplos.

Pero primeiro, que é exactamente unha guerra de marcas? Pois unha boa definición sería dicir que é unha estratexia de márketing na que varias empresas compiten entre si utilizando a publicidade como arma, co obxectivo de sobresaír fronte á competencia. Por iso, nestas loitas son moi importantes a creatividade, o enxeño e, incluso, a agresividade para saír vitorioso.

Estas contendas son unha constante dentro do mundo corporativo, sobre todo entre negocios dun mesmo sector que queren acaparar toda a clientela. De feito, un dos obxectivos principais é aumentar a lealdade do consumidor. É dicir, conseguir que os usuarios sintan conectados a unha marca e deféndana coma se fora un equipo de fútbol nunha competición.

Exemplos de grandes batallas

Moitos negocios recoñecidos empregaron esta estratexia ao longo dos anos e crearon campañas que se volveron virais entre o público. Agora, imos ensinarche algúns exemplos que puidemos observar no pasado.

Coca-Cola e Pepsi

O enfrontamento entre as marcas de refrescos Coca-Cola e Pepsi é ben coñecido por todos e remonta practicamente as súas orixes. Esta competición volveuse famosa e entretida para os espectadores grazas ás moitas campañas que levaron a cabo nas que se atacan mutuamente.

De feito, un anuncio realizado por Pepsi chegou a ser censurado por utilizar sen premio a imaxe de Coca-Cola. Neste spot, víamos como un neno ía a unha máquina expendedora de bebidas e compraba dúas latas de Coca-Cola. Pero, para sorpresa de todos, en lugar de beber delas, usábaas de chanzos para poder chegar ao botón da súa rival.

A pesar de que foi eliminado, varias persoas conseguiron gravalo e subilo a Internet.

Outro produto desta guerra entre as compañías de refrescos aconteceu durante a promoción de Halloween do ano 2013. Pepsi lanzou un anuncio no que a súa lata levaba unha capa co logo de Coca-Cola, acompañada dun “Desexámosche un terrorífico Halloween”. O seu rival non quedou de brazos cruzados e deulle a volta á situación. Así, empregou a mesma imaxe que a competidora co título de “Todo o mundo quere ser un heroe”, cambiando por completo o significado.

Burger King e McDonald’s

Outro dos exemplos máis famosos de guerras de marcas é a rivalidade entre as grandes empresas de comida rápida, McDonald’s e Burger King.

Durante a Helsinki Pride, o día do orgullo en Finlandia, Burger King lanzou unha publicidade na que a súa mascota e a da súa competidora bicaban baixo o slogan de “o amor conquístao todo”.

Noutro anuncio, Burger King comparou os tamaños da súa hamburguesa estrela, a ‘whooper’, coa de McDonald’s, a ‘big mac’, no que se ve como a primeira é máis grande que a segunda. A foto ía acompañada co texto de “sabémolo, métete con alguén do teu tamaño”, e afirmaba que o seu produto levaba un 25 % máis de carne que o seu rival.

Nintendo e Sega

A compañía xaponesa Nintendo é unha das grandes xigantes do mundo dos videoxogos. E aínda que, a día de hoxe, os seus maiores rivais son Sony e Microsoft, durante os anos 90 viuse inmersa nunha encarnizada batalla con Sega, que intentaba quitarlle o posto. Por esta razón, esta última empresa dedicouse a crear campañas de publicidade agresivas coas que posicionarse como a mellor opción antes os xogadores.

Por exemplo, neste spot de televisión, contan que a súa videoconsola, a Sega Genesis, contaba cun procesador máis potente que a consola de Nintendo, a SNES, e facíano comparando á primeira cun veloz coche de carreiras e a segunda cun vehículo vello que non é capaz nin de arrancar. A sutileza non formaba parte da pelexa.

Iso si, a pesar de dedicar tantos esforzos a burlarse da competencia e intentar posicionarse como os mellores, Sega perdeu a guerra por completo e leva case 20 anos fora do mercado das consolas, traballando agora no desenvolvemento de videoxogos. De feito, nun xiro irónico do destino, a que fora a súa rival publicou moitos dos seus produtos.

Apple e Microsoft

O mundo da tecnoloxía tamén deu lugar a batallas encarnizadas, como a lendaria entre Apple e Microsoft, que intentan convencer aos usuarios de que elixan os seus respectivos ordenadores por enriba dos outros.

Nunha serie de anuncios de televisión, ‘Get a Mac’, a compañía creada por Steve Jobs destacaba as vantaxes dos seus Mac fronte aos ordenadores que empregaban Windows. Estes comerciais consistían en sketches humorísticos con actores coñecidos, nos que presentaban varias situacións onde o Mac sempre era o gañador, ante un frustrado ordenador corrente.

Microsoft rematou respondendo cunha campaña chamada ‘Im a PC’, na que replicaba ao estilo destes spots para destacar a versatilidade dos seus ordenadores e o seu sistema operativo e a diversidade dispoñible.

Noutro anuncio, a empresa de Bill Gates chegou tan lonxe como para buscar a unha persoa chamada Mac Book para que instara aos clientes a comprar os seus produtos en lugar dos de Apple.

Que comence a guerra

Como podes ver, as guerras publicitarias son unha estratexia de márketing efectiva á hora de aumentar a conciencia de marca e a lealdade do consumidor. Ademais, ao crear campañas creativas, as compañías poden destacar por enriba da competencia e atraer a máis clientes.

Aínda así, esta técnica pode chegar a ser moi custosa e require de moito coñecemento do mercado. se non se quere danar a reputación do negocio. Por iso, se tes un, o mellor é que contrates os servizos dunha axencia de márketing como a nosa para que che aconsellen que táctica é a mellor para ti e facer notar os teus produtos e servizos fronte aos dos teus rivais.