Revisado o 31/01/23 –  A atracción de tráfico para unha páxina web é unha das estratexias clave baixo as que se deben sustentar o resto de estratexias en márketing on line. De nada nos serve ter invertido diñeiro no deseño dunha gran landing page se non estamos atraendo tráfico ao noso sitio. Escoitaches falar do posicionamento SEM?

O márketing en buscadores web ou SEM (do inglés Search Engine Marketing), é un sistema de márketing on line que promove as páxinas web mediante o aumento da súa visibilidade en motores de busca de páxinas web. Noutras palabras, SEM é a xestión dos lugares de publicidade de pago (por exemplo Google Adwords).

Un bo posicionamento dá credibilidade e visibilidade ao sitio web dunha empresa. Os buscadores retornan as páxinas máis relevantes dunha web, segundo a busca do usuario. As campañas de atracción de tráfico á nosa web mediante a estratexia SEM ten os seus pros e contras. Imos velo.

Vantaxes do SEM

• Mellor posición. Os anuncios pódense atopar na parte superior ou no lateral dereito das buscas. Ocupan unha posición destacada con respecto aos resultados orgánicos de busca (SEO) dentro dos buscadores.
• Rapidez de lanzamento. Nun par de horas, podemos montar unha campaña en Adwords vía Publicidade de Pago por Clic (PPC). Deste modo logramos en moi poucos minutos un aumento inmediato no tráfico de visitas.
• Configuración flexible. Dentro da configuración da nosa campaña, podemos eliminar, engadir ou modificar calquera aspecto: palabras clave, presuposto…, dunha forma sinxela e rápida.
• Seguimento sinxelo. O seguimento de datos é sinxelo de medir e cuantificar.
• Segmentación xeográfica. As campañas pódense enfocar en rexións específicas.

Desvantaxes do SEM

• A atracción de tráfico rápido non garante o éxito. Debemos configurar a nosa campaña con palabras clave específicas baseadas en bos anuncios e en landings pages realmente persuasivas. Se o tráfico que trouxemos é de calidade, o noso ROI verase incrementado. Pero se non fixemos unha boa elección, a nosa campaña non finalizará con éxito, xa que recibiremos tráfico que traia clics que levará a un gasto sen beneficio.
• Requírese de tempo e experiencia para ter éxito. É moi posible non obter beneficios a curto prazo, xa que require de certo tempo para familiarizarse co comportamento dos usuarios.
• Gasto económico. Cando alguén manda un importe económico superior á nosa oferta, a nosa campaña sitúase nunha posición inferior nos motores de busca. Para recuperar a posición máis alta nos resultados requírese facer unha oferta cunha cantidade maior. Este sistema pode non ser factible para as pequenas empresas.

Quizais queiras entrar tamén un pouco no mundo do SEO, polo que te propoñemos unha lectura rápida deste artigo:

https://www.vincusys.gal/blog/como-optimizar-o-seo-para-e-commerce/