Consultoría Tecnolóxica

Consultoría Tecnolóxica

Solucións para ofrecer un servizo 360º

Axudámosche a tomar decisións acertadas en materia de tecnoloxías da información, analizando a túa situación e propoñéndoche solucións a medida segundo as necesidades reais do teu proxecto e os teus obxectivos de negocio. Apostamos por unha consultoría próxima, práctica e orientada a resultados.

Queremos ser o socio tecnolóxico que te acompañe en cada paso, achegando visión, experiencia e estratexia para que poidas medrar cunha base tecnolóxica sólida e escalable. Encargámonos de todo: desde a definición da estratexia tecnolóxica ata a xestión dos teus sistemas ou o desenvolvemento de solucións dixitais personalizadas. Queremos que gañes en eficiencia, seguridade e competitividade.



«Internet facilita a información adecuada, no momento adecuado, para o propósito adecuado»

Bill Gates

Desenvolvemento de páxinas web


Desenvolvemos solucións web personalizadas, deseñadas para responder as necesidades reais da túa empresa e axudarche a alcanzar os teus obxectivos de negocio. Sabemos que cada marca é única, por iso ofrecemos un enfoque totalmente a medida, tanto no deseño como na funcionalidade, para que a túa presenza dixital sexa tan potente como eficaz.

Creamos todo tipo de sitios web: páxinas corporativas, tendas en liña, plataformas e-learning, portais a medida e desenvolvementos integrados cos teus sistemas de xestión. Traballamos con tecnoloxías open source como WordPress, Prestashop ou Moodle e desenvolvemos solucións propias, escollendo sempre a opción máis axeitada para o teu proxecto.

Poñemos especial atención na optimización técnica para mellorar o teu posicionamento en Google e conseguir tempos de carga rápidos, seguridade e unha experiencia de usuario agradable en calquera dispositivo. Ademais, os nosos deseños reflicten a identidade da túa marca e están pensados estratexicamente para xerar interacción.

Buscas unha páxina web que te represente, medre contigo e che axude a destacar nun contorno dixital competitivo? Damos forma á túa visión con solucións web a medida que combinan tecnoloxía, creatividade e estratexia.

Deseño web
Programación a medida

Programación a medida


Tes unha idea ou un reto dixital entre mans? Ofrecémosche solucións que se adaptan ás necesidades do teu negocio. Deseñamos e desenvolvemos aplicacións web na nube, apps móbiles e integracións entre sistemas, cun enfoque flexible, escalable e orientado a resultados.

Creamos software a medida desde cero ou desenvolvemos módulos específicos sobre plataformas de software libre, sempre tendo en conta os teus obxectivos, os teus procesos e a tecnoloxía máis axeitada para ti. Porque cada proxecto é único, a túa solución tamén debe selo.

Ademais, se necesitas conectar distintos sistemas ou automatizar o fluxo de datos entre ferramentas, ofrecémosche solucións modulares de integración que sincronizan a información entre programas, plataformas e servizos. Incorporamos IA para optimizar procesos, anticipar decisións e eliminar tarefas repetitivas, mellorando a eficiencia operativa e liberando o teu tempo para o que realmente achega valor.

Non só desenvolvemos tecnoloxía, creamos solucións pensadas para facer crecer o teu negocio.

Solucións software


Asesorámosche e acompañamos na elección, parametrización e implantación do software que mellor se adapte ás necesidades reais da túa empresa. Analizamos a túa operativa, os teus obxectivos e ofrecémosche a solución máis adecuada para que obteñas o máximo rendemento.

Ofrecemos consultoría especializada e traballamos cunha ampla gama de solucións, tanto comerciais como de software libre, para áreas crave como facturación, contabilidade, xestión de clientes (CRM), xestión de proxectos, ERP, automatización do márketing ou plataformas de formación en liña. Ademais, ofrecemos solucións na nube propias por subscrición.

O noso enfoque combina flexibilidade, eficiencia e personalización. Implementamos sistemas robustos, configurados a medida e totalmente integrados cos teus procesos.

Queres descubrir que solución adáptase mellor a ti? Falemos e encontrémosla xuntos.

Solucións software
Servizos cloud

Servizos cloud


Avanzamos xuntos no proceso de transformación dixital con solucións cloud a medida, pensadas para que o teu negocio creza cunha infraestrutura robusta, eficiente e completamente adaptada ás túas necesidades. Deseñamos, implementamos e xestionamos contornas na nube co rendemento adecuado, seguros e escalables.

Aloxamos as túas páxinas web, aplicacións e plataformas en servidores optimizados e distribuídos globalmente, en función das túas necesidades, para ofrecer unha experiencia rápida e estable aos teus usuarios, sen importar onde se atopen.

Encargámonos de toda a parte técnica para que poidas centrarche no teu negocio con total tranquilidade: desde o rexistro e xestión de dominios ata a configuración de servidores, certificados SSL, copias de seguridade automatizadas, sistemas de recuperación ante fallos e medidas avanzadas de ciberseguridade como firewalls e monitorización constante. A túa contorna dixital estará sempre protexido, optimizado e en mans expertas, cunha continuidade operativa dos teus servizos en todo momento.

Listo para dar o salto á nube con garantías? Damos o seguinte paso xuntos?

Analítica e datos


Nunha contorna dixital onde a información é poder, tomar decisións baseadas en datos precisos e ben interpretados marca a diferenza. Axudámosche a transformar datos dispersos en coñecemento valioso con solucións de analítica web e análise avanzada de datos deseñadas para impulsar a rendibilidade e o crecemento da túa empresa.

Analizamos e conectamos as túas distintas fontes de información para asegurar a súa coherencia e ofrecerche unha visión clara e unificada do que ocorre no teu negocio. Desde o comportamento dos usuarios na túa web ata o rendemento dos teus procesos internos, implementamos ferramentas avanzadas de análises, visualización e cadros de mando personalizados que che permiten detectar oportunidades, anticiparche a tendencias e actuar con criterio.

Xa sexa para optimizar campañas de márketing, mellorar a experiencia de usuario, controlar KPIs clave ou tomar decisións estratéxicas con maior axilidade, as nosas solucións de analítica converten a información en vantaxe competitiva.

Fai que os teus datos traballen para ti grazas ás ferramentas que che permiten tomar o control cun enfoque baseado en métricas reais, accionables e aliñadas cos teus obxectivos de negocio.

Analítica e datos
Dixitalización

Dixitalización


A transformación dixital non é unha opción, é o camiño natural para que os negocios evolucionen, gañen eficiencia e sigan sendo competitivos. Cos nosos servizos acompañámosche en todo o proceso cun enfoque integral que combina consultoría tecnolóxica, desenvolvemento a medida e estratexia de márketing dixital, para que poidas centrarche no teu negocio.

Deseñamos e mentorizamos proxectos de dixitalización adaptados á túa realidade, desde a implantación de ferramentas que optimizan procesos internos ata a creación de canles de venda en liña, automatización de tarefas, análises de datos e presenza dixital estratéxica. O noso obxectivo é axudarche a traballar mellor, vender máis e tomar decisións con información precisa, en tempo real.

Grazas a nosas solucións 360º, poderás unificar ferramentas, automatizar fluxos de traballo, mellorar a comunicación cos teus clientes e aumentar a túa rendibilidade. Todo iso co respaldo dun equipo especializado en negocios dixitais que estará ao teu lado en cada fase do proceso.

Estás preparado para levar a túa empresa ao seguinte nivel?

Consultoría tecnolóxica estratéxica
para optimizar os teus recursos e optimizar as túas vendas

Onde están os nosos principais clientes?

Santiago de Compostela

A Coruña

Pontevedra

Barcelona

Madrid

Porto

Lisboa

Bizkaia

Valencia

León

Sevilla

VINCUSYS é a fusión de dúas axencias, VINCUTATO, que naceu en Barcelona, e COMUSYS, orixinaria de Santiago de Compostela. Tras unha década de andaina por separado, pero traballando conxuntamente en distintos proxectos, a unión permitiunos sumar o noso coñecemento e experiencia e dar servizo a empresas de distintos puntos da xeografía española, principalmente en Galicia, Catalunya, Madrid, Euskadi, Castela León, Comunitat Valenciana e Andalucía. A nosa proximidade con Portugal facilitounos tamén entrar nese mercado, onde contamos con clientes en Porto, Braga e Lisboa.

Contamos ademáis con partners en distintos puntos da xeografía española para ofrecer servizos de proximidade cando o proxecto así o require.

Experiencia, servizo integral e proximidade. Comezamos?