A primeira plataforma de anuncios que tivo Facebook, antes de denominarse Facebook Ads, chamábase “Flyers“. Naceu no ano 2004 e consistía nun banner situado na páxina principal que custaba entre 10 e 40 dólares por día.

Posteriormente estes anuncios pasaron a ser poxados, así que foron os anunciantes quenes decidiron canto estaban dispostos a pagar por sair neles.

Que son os anuncios de Facebook?

Facebook Ads é unha plataforma a través da cal poderás promocionar a túa páxina de Facebook, sitio web, evento ou aplicación.

A plataforma permite vender e promocionar produtos de forma sinxela, a través de campañas, cun presuposto modesto. Ademais, podes segmentar o público ao que queres chegar empregando as opcións da propia ferramenta de anuncios.

Facer campañas de Facebook implica unha serie de procesos:

• Escoller o público obxectivo de forma correcta.
• Escoller o tipo de campaña adecuada para cada tipo de público obxectivo.
• Crear os anuncios, as súas creatividades e escoller as fotos adecuadas.
• Establecer obxectivos.
• Establecer KPI’s (indicadores claves de redibilidade) para medir eses obxectivos.
• Facer un seguimento das campañas.
• Optimizalas segundo os resultados que estean conseguindo.

Facebook Ads é unha das ferramentas máis potentes á hora de anunciarse. A súa principal vantaxe está no gran alcance que ten, xa que actualmente é a rede social con maior número de usuarios.

Que podes conseguir con Facebook Ads?

Quitar proveito aos anuncios de Facebook implica coñecer ben a ferramenta porque é bastante complexa e ofrece numerosas opcións. Estas son algunhas das funcións que podes atopar:

Segmentación do público

A plataforma ofrécenos múltiples formas de segmentar:

• Segmentaciíon xeográfica: se a túa campaña está dirixida a persoas que se atopan nunha ubicación específica. Se tes un restaurante en Madrid querrerás chegar a usuarios de Madrid.

• Segmentación por idade e sexo: se o teu público son homes e mulleres de entre 30 e 50 anos, deberás dirixir a túa campaña a ese tipo de público.
• Segmentación por intereses: permite realizar segmentacións segundo os gustos do noso público. Facebook ten moita información sobre a actividade dos seus usuarios na súa rede, co que poderás enfocar os teus anuncios a persoas interesadas no teu sector de actividade.
• Retargeting: esta opción permite volver a impactar a aquelas persoas que interactuaron coa túa páxina de Facebook.

Personalizar anuncios

Dende a propia plataforma, Facebook permítenos personalizar os anuncios: engadir varios títulos, varias imaxes e descricións. Os seus algoritmos detectarán cal deles é máis adecuado para cada persoa.

Ademais, ofrece opcións de personalización, como por exemplo por un prezo sobre unha imaxes escollendo a cor, o formato e a tipografía do texto. Tamén podes engadir ofertas a determinados produtos.

Medidores e control de campaña

Facebook Ads ten un cadro de control no cal podes ver todos os anuncios que se realizaron, en que estado están e os seus resultados.

Dirixir o tráfico ao teu perfil, web ou aplicación

Cando creas un anuncio, tes a opción de escoller a onde queres dirixir ás persoas que interactúen coa túa publicación. Podes envialos á túa web, ao teu perfil, a unha aplicación ou incluso poñer como obxectivo que che envíen unha mesaxe.

Publicidade para todos os dispositivos

Os anuncios de Facebook están pensados para que a súa visualización sexa óptima en calquera dispositivo: ordenador, móbil ou tablet.

Crear unha tenda dentro de Facebook

Para poder vender dentro de Facebook tes que establecer a túa páxina como tenda e incorporar os produtos que queiras vender. Esta opción está dentro de Facebook Ads, mais ten o seu propio apartado, o denominado Facebook Commerce Manager.

Dende esta plataforma poderás incorporar os teus catálogos de produtos, coas súas imaxes, prezos e descricións. E posteriormente publicitalos en Facebook Ads coa opción «vendas de catálogo».

Anuncios para Instagram e Messenger

Facebook permíteche dirixir os teus anuncios aos seus usuarios ou mostralos tamén en Instagram e Messenger.

As campañas de anuncios de Facebook son complexas polas súas múltiples posibilidades de personalización sumadas ao número de usuarios que teñen as convirten nunha opción moi interesante á hora de escoller un espazo no que anunciar os teus produtos ou servizos. Dende a nosa axencia de márketing en Vigo podemos axudarte con todo o proceso.

Quizáis queiras ler tamén este artigo sobre a credibilidade das opinións en Facebook:

https://www.vincusys.gal/blog/son-fiables-as-opinions-en-facebook/