Twitter ou X pasou durante o último ano por moitos cambios e polémicas. Esta situación deu lugar ao nacemento de alternativas que intentan ocupar o seu posto e, de feito, unha delas chegou da man do creador da rede do paxaro azul. Neste artigo, explicámosche que é Bluesky e como funciona.
Unha rede descentralizada
Bluesky é unha aplicación de microblogging, é dicir, de publicación de mensaxes curtos. Naceu como un proxecto interno en Twitter, onde se exploraba a idea de descentralizar a plataforma. Foi impulsado por Jack Dorsey, o creador e o antigo CEO de Twitter. Coa entrada de Elon Musk, este proxecto separouse e converteuse nunha entidade allea.
Pero, e que significa esta descentralización? Pois que, a diferenza de Twitter, que está operado e controlado por unha soa entidade, Bluesky constrúe un entorno no que a comunidade ten maior control e participación na plataforma.
Para iso, utiliza o chamado ‘Authenticated Transfer (AT) Protocol‘, un protocolo para que a información dos usuarios non dependa dun só servidor que calquera pode facer o seu coas súas propias regras.
Sería algo así como se os usuarios de diferentes de redes puideran interactuar entre elos nunha mesma plataforma, tal e como funcionan os enderezos electrónicos, xa que, aínda que uses Gmail ou Outlook, sempre poden enviar mensaxes ao resto. Desta forma, Bluesky busca producir un ambiente diverso e libre, onde a personalización sexa maior.
Unha das maiores vantaxes que ten fronte a outras é que a súa interface parécese á de Twitter, por algo comparten creador. Así, é máis sinxelo que capte xente, xa que terá máis facilidades para adaptarse.
Funcións básicas de Bluesky
Bluesky permite realizar as interaccións básicas e esenciais que se atopan en Twitter. Así, poderás escribir publicacións de hasta 300 caracteres, dar me gustas, compartir, citar e responder a outros usuarios. Tamén podes publicar imaxes, algo que agrega un compoñente visual á experiencia da plataforma. Ademais, cada persoa ten un perfil no que se ve o seu número de seguidores e de seguidos.
Pero, sen dúbida, a característica distintiva da rede social é o seu enfoque na personalización. A diferencia de Twitter, Instagram ou outras, Bluesky non impón un algoritmo central para ordenar o contido no feed ou muro. En cambio, cada usuario pode crear os seus propios algoritmos e feeds personalizados, de xeito que poden ver as publicacións da forma que desexen.
Un exemplo disto é o algoritmo chamado ‘Bluesky Ñ‘ que permite ver so mensaxes en español, unha característica atractiva para os que desexan contido nese idioma en especifico.
Outro aspecto para ter en conta é a moderación de contido. Tal e como pasa en Twitter, aquí tamén podes filtrar o que ves, silenciando as cosas que non te interesen ou advertir sobre elas se non son adecuadas.
El tema da publicidade dentro da app é un dos seus reclamos. Ou máis ben, a súa ausencia. E é que, polo momento, Bluesky é unha rede social libre de anuncios, unha funcionalidade que atraeu a moitos usuarios, cansos dos constantes anuncios en Twitter, Instagram ou Facebook.
É importante que teñas en conta que Bluesky atópase en desenvolvemento, polo que hai varias funcións que aínda non están dispoñibles. Entre elas están a capacidade de subir vídeos, un sistema de hashtags e unha opción para atopar publicacións destacadas.
Unha rede libre pero restrinxida
A pesar do seu afán pola liberdade de expresión, Bluesky non está aberta para que calquera se rexistre. Para poder ingresar, necesitas un código de invitación que se pode conseguir de dúas formas: apuntándote na súa páxina web e entrar na lista de espera ou recibindo un de alguén que xa forme parte da rede social. Polo que, ata que se lance oficialmente, entrar a Bluesky é moi selecto.
Bluesky é unha rede social cun gran potencial e promete posicionarse como un competidor real para Twitter. A pesar de que estea aínda en fase de desenvolvemento e non é posible rexistrarse libremente, conta con miles de usuarios e unha lista de espera para entrar.
O seu enfoque na personalización e a descentralización podería atraer a moita máis xente en busca dunha alternativa ás redes actuais. Por iso, entre isto e a caída en picado de Twitter ou X dende fai meses, non deberías perder de vista a Bluesky e a o seu prometedor futuro.
0 Comments