Un dos nosos últimos proxectos en VINCUSYS foi o de crear un novo vídeo explicativo da Cátedra Institucional de Patrimonio Cultural Dixital, un proxecto realizado en colaboración entre RED CRUSOE, NTT Data e a Xunta de Galicia, e no que estamos moi orgullosos de poder participar.

A Cátedra ten por obxectivo instaurar unha nova economía mediante o proceso de dixitalización do patrimonio cultural de Europa, con especial fincapé en aquel relacionado co Camiño de Santiago. 

Foi presentado este mes pola ‘Conferencia de Rectores de las Universidades e Institutos Politécnicos del Sudoeste Europeo’ (CRUSOE), unha entidade de ámbito internacional formada por unha trintena de universidades da Eurorrexión, entre as que están as universidades de Galicia, Castela e León, Asturias, Cantabria, a Rexión Norte e a Rexión Centro de Portugal.

Pola relación do proxecto co Camiño de Santiago, CRUSOE decidiu colaborar coa Xunta e NTT Data para firmar un convenio de colaboración pioneiro entre as tres organizacións, concretamente para a constitución da primeira Cátedra Institucional en Patrimonio Cultural Dixital. 

A mellor forma de comunicar

Elixiron á nosa axencia para realizar o vídeo de presentación desta iniciativa. Nel, condensamos de maneira sinxela toda a información relevante da Cátedra.

Para iso, decidimos escoller un deseño sinxelo, que evoca unha presentación, con animacións fluídas e dinámicas e textos claros e concisos. Empregamos diferentes imaxes do patrimonio do sur de Europa, coas que quixemos reflectir a beleza e grandeza dos bens relacionados co Camiño de Santiago e as paisaxes que o rodean.

En canto a contido, comezamos a peza contando cal é a misión principal da Cátedra e o seu obxectivo de impulsar a economía europea mediante a dixitalización. A continuación, ensinamos o plan de traballo que se seguirá na execución das distintas fases.

Seguimos mostrando os proxectos xa executados -a Acción Piloto da DG Regio da Comisión Europea, “Virtual and Smart Cultural Tourism”- e aqueles que están agora en curso, destacando o Máster Interuniversitario en Patrimonio Cultural Dixital. A todo isto sumámoslle as novas propostas de traballo.

Terminamos o vídeo mencionando aos promotores da iniciativa, a RED CRUSOE, Xunta e NTT Data, e revelando o slogan da cátedra, “de muchos para todos”.

Dende VINCUSYS estamos moi contentos de traballar nun proxecto tan especial como a Cátedra Institucional de Patrimonio Cultural Dixital e estreitar lazos con organizacións tan destacadas como CRUSOE, a Xunta e NTT Data. Se che interesan os nosos servizos de creación de contido audiovisual, podes contactar con nós para crear un vídeo corporativo para a túa empresa.