A comunicación interna é un piar fundamental para calquera empresa que aspire ao éxito, como che contamos anteriormente. Un diálogo claro entre os seus membros mellora a produtividade e fomenta un bo ambiente de traballo. En este sentido, as ferramentas de comunicación interna xogan un papel crucial. Neste artigo, falámosche dalgunhas das máis efectivas e como poden beneficiar ao teu negocio.
Slack, comunicación instantánea e colaboración en tempo real
Slack converteuse nun dos instrumentos máis populares para a comunicación interna, grazas ao seu deseño intuitivo e as súas múltiples funcións. Esta aplicación permite crear canais específicos para diferentes proxectos, equipos ou temas. Isto axuda a conectar aos traballadores da empresa e a conseguir que os procesos sexan máis fluídos e directos.
Está integrada cunha variedade de aplicacións, como Google Drive, o que axuda a centralizar todas as ferramentas de traballo nun só lugar. E, ademais, facilita as comunicacións rápidas e privadas entre persoas.
Desta forma, podes xerar un canal por cada proceso da túa empresa para que todos os involucrados formen parte del e decátense da información relevante.
Slack ten catro plans de subscrición. O gratuíto inclúe 10 integracións de aplicacións ou fluxos de traballo publicados, un historial de mensaxes de 90 días e a posibilidade de crear documentos e colaborar neles tan só en canais e mensaxes directas. Podes consultalos todos facendo clic aquí.
Ver esta publicación en Instagram
Microsoft Teams, unha plataforma todo en un
Microsoft Teams é unha aplicación de cooperación pensada para axudar no traballo para que todos os membros dun equipo ou empresa estean ben informados, conectados e organizados.
Teams é unha solución integral que combina chat, videochamadas e colaboración en documentos on line. É especialmente útil para aqueles que fagan uso de Microsoft 365, a plataforma da compañía que inclúe os programas de Office como Word, Excel ou PowerPoint, o que proporciona unha integración perfecta con estas ferramentas.
A ferramenta de Microsoft permite realizar videochamadas de alta calidade, unha utilidade esencial se realizas reunións telemáticas cos integrantes do teu negocio. Grazas a esa compatibilidade con Microsoft Office, facilita a edición simultánea de documentos ou follas de cálculo dende diferentes lugares, o que axiliza que todas as persoas con acceso poidan facer cambios e estar ao corrente dos novos datos.
Ao igual que con Slack, Teams dáche a opción de crear canais de comunicación específicos para cada proxecto e organizar mellor o fluxo de información.
Microsoft Teams conta con tres plans de subscrición para empresas. O máis básico, ‘Microsoft Teams Essentials‘, custa 3,70 € por usuario ao mes e inclúe 10 GB de almacenamento na nube e todas as funcións esenciais do programa. Consúltaos nesta ligazón.
Ver esta publicación en Instagram
Asana, xestión de proxectos e comunicación centralizada
Asana é un software de xestión de proxectos que tamén mellor a comunicación interna ao permitir que os equipos poidan xestionar tarefas nun entorno colaborativo.
Ten unha información intuitiva e amigable, que axude a unha fácil comprensión de todas as súas funcións. Asana dá a opción de crear taboleiros e listas de tarefas para visualizar o progreso dos obxectivos e asignar encargos específicos con prazos claros, así como un cronograma coas súas datas límite.
Así mesmo, cada unha destas tarefas ten unha sección de comentarios nos que os teus empregados poden deixar mensaxes, o que facilita que a comunicación relevante sobre o proxecto estea concentrada non só lugar. Tamén podes xerar recordatorios automáticos que axuden a garantir que os proxectos se completen a tempo.
Por último, hai que mencionar que Asana pon a túa disposición unha serie de modelos sinxelos de usar para proxectos e procesos comúns, como informes ou diagramas.
O programa ten dous plans para negocio e empresas, ‘Enterprise’ e ‘Enterprise+’, que podes ver na seguinte ligazón.
Ver esta publicación en Instagram
Google Workspace, un todo en un
Google, ao igual que Microsoft, creou o seu propio servizo na nube para favorecer a comunicación interna e a actividade conxunta: Google Workspace. Neste caso, é un conxunto de ferramentas como Gmail, Google Drive, Google Docs ou Google Meet.
Workspace permite o acceso remoto á información dende calquera dispositivo conectado a internet, o que axiliza o teletraballo e a flexibilidade. Como no caso de Microsoft Teams, a integración de instrumentos como Google Docs e Google Sheets da a opción de que varios usuarios editen documentos simultaneamente.
Google Drive, a aplicación de almacenamento na nube de Google, axuda a que tanto ti como o teu equipo poidades almacenar todo nun lugar seguro e accesible por todos en todo momento.
Ademais, Google Meet proporciona unha plataforma robusta para reunións virtuais cos teus empregados.
Google Workspace ten catro plans de subscrición. O máis barato custa 5,75 € por usuarios ao mes e inclúe correo de empresa personalizado, videochamadas de hasta 100 persoas, 30 Gb de espazo, controis de seguridade e asistencia estándar. Consulta máis información do resto facendo clic aquí.
Ver esta publicación en Instagram
Trello, organización con taboleiros
Trello é un programa de xestión de proxectos e fluxos de traballo que axuda aos integrantes dun equipo a coordinar as súas decisións e a supervisar tarefas. Utiliza un sistema de taboleiros Kanban, unha ferramenta con forma de taboleiro que usa tarxetas ordenadas en columnas para amosar o estado das tarefas dun xeito visualmente fácil de comprender. É como organizar notas adhesivas nun taboleiro de lousa.
Cada unha destas tarxetas contén información dunha tarefa, a data límite e as persoas asignadas. A columna representa unha etapa diferente do fluxo de traballo. As fichas avanzan por elas ata completar a súa función.
A interface de Trello é intuitiva, os seus taboleiros e listas son fáciles de usar e permiten unha adaptación rápida, incluso para aqueles que non están acostumados a este sistema. As etiquetas e datas límite axudan a dar prioridade a traballos e a cumprir cos prazos establecidos.
Trello ten catro tipos diferentes de subscrición. Unha delas é gratuíta e inclúe tarxetas ilimitadas, 10 taboleiros, almacenamento ilimitado, autenticación en dous pasos e rexistros de actividade ilimitados. Infórmate do resto nesta ligazón.
Ver esta publicación en Instagram
Se implementas as ferramentas adecuadas na túa empresa, podes cambiar por completo a súa comunicación interna e incrementar a súa produtividade. Como ves, hai moitas, por iso debes escoller a que mellor se adapte ao teu tipo de negocio e encaixe coa túa organización e co teu entorno de traballo.
Adoptar estes programas pode ser clave para levar a túa eficiencia ao seguinte nivel. Nós podemos axudarte a elixir os que encaixen mellor contigo, só tes que contactarnos e concertar unha cita para unha consultaría.
0 Comments